Тілдік тандемнің негізгі қағидаттары:

• сіз қашан, қайда, қаншалықты жиі және қандай тақырыптарда сөйлескіңіз келетінін өзіңіз анықтайсыз;
• тілдерді араластырып қолданбайсыз, әр тілге бірдей уақыт беріледі (мыс., 50 минут / 50 минут);
• серіктеске деген құрмет пен өзара қарым-қатынас, екі серіктес те бір-біріне бірдей қарауы керек;
• әркім әртүрлі – бәрі бірдей: нәсілшілдік жоқ, ұлтшылдық жоқ, мәдениет, дін, жыныс және т. б. белгілері бойынша кемсітушілік жоқ.

Тілдік тандемде жұмыс істеу ережелері

1. Сіз тандем серіктесімен аптасына кемінде 2 рет кездесесіз: алдымен сіз ана тілінің сарапшысысыз, содан кейін шәкіртсіз.
2. Сіз тілдік ортаға толығымен сіңіп, тілдерді араластырмауға тырысасыз: бір сабақ тек бір тілде, екінші сабақ басқа тілде өтеді.
3. Сіз бір-біріңізді құрметтейсіз: белгіленген уақытта және кешікпей кездесесіз, шыдамдылық пен ұстамдылығыңызды көрсетесіз, серіктестің пікірін, көзқарасын, тілектері мен мақсаттарын құрметтейсіз.

Сіз сарапшы болған кезде:

Сіз шәкірт болған кезде:

сабақтың қарқыны, тақырыбы және барысы бойынша серіктесіңіздің тілектерін қабылдаңыз; ашық, мейірімді болыңыз; серіктесіңізге білімін жетілдіруге көмектесіңіз; қателерді дұрыс түзету арқылы кері байланыс беріңіз.

сабақтың қалай өтетінін, қандай тақырыпта сөйлесетіндігіңізді, қандай материалды қолданатындығыңызды ойластырыңыз; сабаққа дайындалыңыз; белсенді болыңыз; сұрақтар қойыңыз: неғұрлым көп сұрасаңыз, соғұрлым көп үйренесіз; егер сіз грамматиканы немесе кейбір сөздерді түсіне алмасаңыз, онда онымен тоқтап қалмаңыз! Жалғастыра беріңіз, уақыт өте келе түсініп кетесіз. сөйлеуден және қателіктер жіберуден қорықпаңыз! Сіз осында оқуға келдіңіз. сіз оқуыңыз бен үлгеріміңізге өзіңіз жауаптысыз.

Есіңізде болсын: Тандем серіктестері — тіл мұғалімдері емес, сұхбаттасушылар. Сіздің серіктес тандеміңіздің мұғалім дипломы болмайды, егер сіз бірдеңе түсінбесеңіз, ол қателерді түзетуге; белгілі бір тіркестерді қолдану жағдайларын ұсынуға; өз еліндегі өмір туралы ақпарат беруге, өз елінің мәдениеті туралы айтуға көмектесе алады.

Маңызды сәттер, бірінші кездесуде талқылау үшін

1. Серіктесіңізбен мақсаттарыңызды анықтаңыз, сіздердің мақсаттарыңыздың әртүрлі болуы кедергі болмайды. Сіздер неге қол жеткізгілеріңіз келеді?
   • ауызекі сөйлеуді жақсарту керек пе?
   • еркін сөйлеу керек пе?
   • неғұрлым сенімді сөйлеу керек пе?
   • сөздік қорын байыту керек пе?
   • басқа мәдениет туралы біліңіз келеді ме?
   • тілдік кедергіні жеңу керек пе?
   • жазу, іскерлік хат алмасу дағдыларын пысықтау ма?
   • тілдік емтихандарға дайындалу керек пе?
   • сабақта өткен материалды пысықтау ма?
   • саяхат кезінде сөзіңізді еркін жеткізуге ме?
   Мақсаттарды анықтап алғаннан кейін кездесулерді өткізу тиімдірек, оңайырақ болады: мысалы, жазбаша тапсырмаларды көбірек орындау немесе ауызекі сөйлеуге баса назар аудару; грамматиканы немесе айтылымды жаттықтыру; күнделікті өмірге (дүкенде, көшеде) немесе академиялық мақсаттар үшін тіл үйрену және т. б.

2. Кестеңізді серіктесіңізбен талқылаңыз және оны орындаңыз:

   Уақыты: сіз қаншалықты жиі кездесесіз? Уақыты қашан? Сіз тандемде қанша уақыт жаттығуды жоспарлап отырсыз (мыс.: семестрдің соңына дейін)?
   Орын: онлайн немесе оффлайн режимінің қайсысы ыңғайлы екенін шешіңіз. Егер офлайн болса, өтетін орынды анықтаңыз. Олар кітапхана, еркін аудитория, студенттік асханалар болуы мүмкін.
   NB: қауіпсіздік үшін қоғамдық орындарды таңдаңыз!